“1991-ci ildə yazıçıların qurultayına köhnə “Moskviç”lə gəldim…”
“Youtube” protalında mərhum prezident Heydər Əliyevin Azərbaycan yazıçıları ilə görüşündən maraqlı kadrlar yayımlanıb.
AzPost bildirir ki, telejurnalist Füzuli Sabiroğlunun arxivindən paylaşdığı bu kadrlarda H.Əliyev yazıçılarla qeyri-rəsmi şəraitdə səmimi söhbəti yer alıb.
Video 1996-cı ildə çəkilib. Görüşdə Azərbaycan Yazıçılar Birliyinin rəhbərləri və digər şəxslər görünür.
Bu sırada AYB sədri Anar, Fikrət Qoca, Qabil, Bəkir Nəbiyev, Sabir Rüstəmxanlı, Balaş Azəroğlu, jurnalist Elmira Axundova var.
Görüşdə həmçinin o zaman Milli Məclisin sədri olmuş Rəsul Quliyev də iştirak edib.
Heydər Əliyev 1991-ci ilin martında yazıçıların qurultayında iştirak etmək üçün Filormoniyaya köhnə “Moskviç” avtomobili ilə gəlişindən danışır.
Azərbaycan Yazıçılar Birliyi şairlərin, tərcüməçilərin ən böyük ictimai təşkilatıdır. SSRİ dövründə Azərbaycan Yazıçılar İttifaqı adlanırdı. Hazırda 1510-dan artıq üzvü var. Sədri yazıçı Anardır.
Qurum 1934-cü il iyunun 13-də Bakıda yaradılıb. O vaxta qədər Azərbaycan yazıçıları ayrı-ayrı ədəbi birliklərin və məclislərin tərkibində fəaliyyət göstərirdilər.
1927-ci il iyul ayının əvvəllərində Azərbaycan yazıçılarının birinci ümumi yığıncağında bütün ədəbi qüvvələri bir təşkilat ətrafında birləşdirmək qərara alındı.
ÜİK(b)P MK-nın ədəbi-bədii təşkilatların yenidən qurulması haqqında 1932-ci il 23 aprel tarixli qərarından sonra Azərbaycan Yazıçılar Cəmiyyətinin yenidən qurulması haqqında təşkilati tədbirlər görüldü. AYB-nin 80 illiyinə həsr olunmuş “Səksəninci səhifə” adlı film çəkilib.
AYB ölkədə və ondan kənarda yaşayan, Azərbaycan dilində və digər dillərdə yazan peşəkar Azərbaycan yazıçılarının könüllü müstəqil ictimai təşkilatıdır. AYB müstəqil, hüquqi şəxsdir.
AYB öz fəaliyyətində Azərbaycan Respublikasının qüvvədə olan qanunvericiliyinə, beynəlxalq hüquq normalarına, öz Nizamnaməsinə müvafiq hərəkət edir.
