Dəməşqdə Bəşər Əsədin atası Hafizin abidəsi dağıdılıb.
Azpost.info bildirir ki, Caramananın (Dəməşqin kənarında yerləşən böyük ərazi) sakinləri Suriyanın hazırkı rəhbəri Hafiz Əsədin atasının abidəsini söküblər.
Bu ərazidə fələstinlilər və druzlar yaşayır (Druzlar Suriyada yaşayan millətlərdən biridir; abidəni sökən kişilərin əlində druz bayrağı var).
Əvvəlki müharibə zamanı druzlar İŞİD -ə qarşı döyüşərək Əsədi dəstəkləyiblər.
Ərəb mediası Suriya qoşunlarının Dəməşqdən 10 km aralıda yerləşən Muadamiyat əl-Şamdan geri çəkildiyini yazır.
Dəməşqin özü də hazırda üç tərəfdən mühasirəyə alınıb: radikal islamçılar, “Suriya Azadlıq Ordusu” və kürdlər.
Eyni zamanda Qətərdə Türkiyə, İran və Rusiyanın Suriyanın taleyini müzakirə etdiyi “Astana formatı” keçirilir. Rusiyanın xarici işlər naziri Sergey Lavrov deyib ki, silahlıların Suriyanı ələ keçirməsinə icazə verilməməlidir. Onun sözlərinə görə, Rusiya Suriyanın hazırkı hökumətini dəstəkləyir, eyni zamanda müxalifətlə dialoqun tərəfdarıdır.
