Gecə klubunun
Türkiyənin Bursa şəhərində gecə klubunun qarşısında motosikletli şəxsin silahla hücumu nəticəsində qapı önündə işləyən 3 personal yaralanıb.
AzPost Türkiyə mətbuatına istinadla xəbər verir ki, hadisə gecə saat 01:00 radələrində mərkəzi Nilüfer rayonu, Esentepe Məhəlləsində baş verib.
Motosiklet sürən və dəbilqəli şəxs gecə klubunun qarşısında dayanaraq tapançadan atəş açıb və hadisə yerindən uzalaşıb.
Nəticədə gecə klubunun qarşısında işləyən Serkan Varsavaş, Cihan Doğru və Barış Kızıltaş yaralanıb.
Hadisə yerinə polis və təcili yardım qrupları göndərilib.
Araşdırma aparan polis 11 ədəd boş giliz aşkarlayıb. Qaçan şəxsin tutulması üçün axtarışlar davam edir.
