Google “cinsi azlıqları” işə götürməyəcək.
ABŞ-ın çoxmillətli korporasiyası Google yeni işçiləri işə götürərkən DEI (müxtəliflik, bərabərlik və daxilolma) prioritetlərindən imtina edəcək.
AzPost xəbər verir ki, bu barədə The Wall Street Journal yazır.
Bildirilib ki, şirkət daha çox “azlıqların nümayəndələrini” işə götürmək niyyətində deyil. Eyni zamanda, Google ABŞ prezidenti Donald Trampın hökumətdəki DEI siyasətləri ilə mübarizəyə yönəlmiş sərəncamlarını təhlil etdiyini vurğulayıb.
Xatırladaq ki, ABŞ lideri bir anda bir neçə fərman, o cümlədən federal qurumlarda bütün inklüzivlik və müxtəliflik proqramlarının bağlanması haqqında sənəd imzalayıb.
Tramp dünən həmçinin transgender kişilərə peşəkar və orta məktəb idmanlarında qadınların idman yarışlarında iştirakını qadağan edən sərəncam imzalayıb.
