kütləvi dava
Türkiyən Bolu şəhərində gecə saatlarında ara küçədə iki qrup arasında kütləvi dava 1 nəfərin yaralanması ilə nəticələnib.
AzPost İHA-ya istinadla xəbər verir ki, hadisə Karaçayır rayonu, Kutucular küçəsində baş verib. Məlumata görə, küçədə bir-biri ilə qarşılaşan iki qrup arasında naməlum səbəbdən mübahisə yaranıb. Mübahisə böyüyüb və davaya çevrilib. Yumruq və təpiklərin işə düşdüyü davada silah səsləri də eşidilib.
Küçədəki digər vətəndaşlar təşviş içində qaçmağa çalışıb. Dava zamanı adı məlum olmayan şəxs yumruq və təpiklərdən xəsarət alıb. Xəbər verildikdən sonra hadisə yerinə polis və təcili yardım gəlib. Hadisə ilə bağlı araşdırmalara başlanılıb.
Hadisə nəticəsində yaralanan şəxs xəstəxanaya yerləşdirilib. Bəlli olub ki, onun çənə sümüyü sınıb. Eyni zamanda silahdan atəş açan şəxsin silah dava zamanı əlindən alınıb. Polis hadisə yerinə baxış keçirən zaman silahı aşkarlayıb.
Xatırladaq ki, ötən həftə Elazığ şəhərində analoji hadisə baş vermişdi. İki nəfər arasında başlanan mübahisə kütləvi davaya çevrilmişdi.
