qar
Türkiyənin Bartın şəhərində qar və yolların buz bağlaması ilə bağlı reportaj hazırlayan jurnalist qəzaya düşüb. AzPost İHA-ya istinadla xəbər verir ki, Kanal74 və Batıkar Haber internet xəbər saytının rəhbəri Halil Tekin Bartının Amasra rayonunda canlı yayım zamanı bütün nəqliyyat vasitələri sürücülərinə diqqətli olmaları barədə xəbərdarlıq edib.
Elə bu anda avtomobili idarəetmədən çıxan jurnalist qəza keçirib. Sürət aşağı olduğu üçün o qəzaya düşsə də sağ-salamat xilas olub. Canlı yayımını kəsmədən davam etdirən Tekin, sürətin aşağı olması və yolun boş olması səbəbindən qəzadan xəsarət almadan xilas olduğunu qeyd edib. Jurnalist Tekin bir qədər səy göstərdikdən sonra yenidən işə saldığı avtomobili ilə geri qayıdıb.
O, həmçinin səlahiyyətliləri yolu təmizləməyə və duzlamağa çağırıb.
