Ötən il Azərbaycandan xarici ölkələrə 206 min 577 ədəd həşərat və böcək ixrac olunub.
AzPost xəbər verir ki, rəsmi statistikaya əsasən, ixrac olunan məhulun bir ədədinin orta gömrük dəyəri 45 qəpik olub.
Onu da bildirək ki, əvvəlki illə müqayisədə ötən il həşərat və böcəklərin ixracı 2 dəfədən çox azalıb.
Qeyd edək ki, ixrac olunanların yarıdan çoxu – 140 min 500 ədədi Qazaxıstana göndərilib.
Həşərat və böcəklərin ixrac olunduğu ölkələr aşağıdakı kimidir:
Qazaxıstan – 140 500 ədəd (bir ədədinin orta gömrük dəyəri 33 qəpik);
Özbəkistan – 45 000 ədəd (36 qəpik);
Qırğızıstan – 10 000 ədəd (34 qəpik);
Rusiya – 6 000 ədəd (27 qəpik);
İsveçrə – 5 000 ədəd (4 manat);
ABŞ – 71 ədəd (53,4 manat)./yeniavaz.com
