“İsrailin Qəzza zolağında elektrik enerjisini kəsməsi, həmçinin yəhudi dövlətinə silah tədarükünün davam etməsi və Netanyahu hökumətinə qarşı sanksiyaların tətbiq edilməməsi Fələstinə qarşı soyqırımıdır”.
AzPost MK-ya istinadən xəbər verir ki, bunu BMT-nin xüsusi məruzəçisi Françeska Albanese deyib.
“Qəzza zolağına elektrik enerjisinin verilməsinin dayandırılması, digər şeylərlə yanaşı, duzsuzlaşdırma qurğularının bağlanması və nəticədə təmiz suyun verilməsi deməkdir”, – o, X sosial şəbəkəsində yazıb.
BMT-nin xüsusi məruzəçisi həmçinin bildirib ki, İsraili silahla təmin edən və onun anklava qarşı hərbi əməliyyatlarını təsdiqləyən ölkələr Fələstin xalqının soyqırımında şərikdir.
Qeyd edək ki, İsrail hökuməti dünən Qəzza zolağına elektrik verilişinin kəsilməsi barədə göstəriş verib. Hadisəni şərh edən yerli KİV İsraildən verilən elektrik enerjisinin yalnız duzsuzlaşdırma qurğusunun enerjisi üçün istifadə edildiyini qeyd edib. İddialara görə, bütün digər obyektlər generatorlardan enerji alır. Bununla belə, jurnalistlər yazır ki, anklav həmin generatorlar üçün demək olar ki, bir həftədir yanacaq almayıb.
Xatırladaq ki, bir neçə gün əvvəl İsrail Qəzza zolağına humanitar yardımın nəqlini dayandırmışdı. Buna HƏMAS hərəkatının ABŞ prezidentinin xüsusi nümayəndəsi Stiven Vitkoffun təklif etdiyi yeni atəşkəs planını qəbul etməkdən imtina etməsi səbəb olub .
