Azərbaycan Dəmir Yolları
Gəncə Şəhər Məhkəməsində vəzifə səlahiyyətlərindən sui-istifadə vəzifə saxtakarlığı və təqsirləndirilən Qismət Əmirovun (ad, soyadı şərtidir) cinayət işi üzrə məhkəmə istintaqı yekunlaşıb.
Pravda.az-ın əldə etdiyi məlumata görə, hakim Elxan Əlizadənin sədrliyi ilə keçirilən prosesdə hökm oxunub.
Məhkəmənin hökmü ilə o, 4000 manat miqdarında cərimə cəzasına məhkum edilib.
İttihama görə, Qismət Əmirov “Azərbaycan Dəmir Yolları” QSC-nin İnfrastuktur departamentinin Qatarların idarə edilməsi xidmətinin Gəncə lokomotivlərinin idarə edilməsi sahəsinin magistral üzrə teplovoz maşinisti vəzifəsində işləyib. O, Ağstafa-Qazax-Ağstafa, Qazax-Ağstafa-Qazax, Gəncə-Böyük-Kəsik istiqamətləri üzrə 2021-ci ilin may ayından 2021-ci ilin sentyabr ayınadək olan dövrdə lokomotivlərin hərəkətinin təmin edilməsi üçün Azərbaycan Dəmir Yolları QSC tərəfindən ayrılmış yanacaq və yağın, yəni həmin cəmiyyətə məxsus olmaqla ona etibar olunmuş özgə əmlakını qulluq mövqeyindən istifadə etməklə vahid niyyətlə talayıb. Qismət bu məqsədlə lokomotivlərdə hərəkət marşrutunun yerinə yetirilməsi üçün kifayət qədər yanacaq və yağın olmasına baxmayaraq, marşrut vərəqələrinə həqiqətə uyğun olmayan marşrutlar qeyd edilməsi ilə müvafiq həqiqətə uyğun olmayan marşrutlar üzrə nəzərdə tutulmuş yanacaq və yağın təminat məntəqəsindən götürülərək, Gəncə şəhəri və Ağstafa rayonu ərazisində müxtəlif şəxslərə satıb.
O, bu yolla 3 619 manat pul vəsaitini mənimsəmə və israf etmə yolu ilə talayıb.
İstintaq dövründə Zamiq Babayevin barəsində başqa yerə getməmək haqqında iltizam qətimkan tədbiri seçilmişdi.
