İqbal Ağazadə
“Ümid Partiyası bu günə kimi həmin vəsaiti almayıb”.
Bunu Qaynarinfo-ya açıqlamasında Ümid Partiyasının sədr müavini Taleh Əliyev parlament seçkilərində iştirak edən bəzi partiyaların maliyyələrinin dayandırılması ilə bağlı məsələyə münasibət bildirərkən deyib.
Taleh Əliyev bildirib ki, verilməyən vəsaitin dayandırılması nə hüququ, nə də məntiqi baxımdan doğru yanaşma deyil:
“Siyasi Partiyalar haqqında qanun”a görə, parlament seçkilərində iştirak edib, amma parlamentdə təmsil olunmayan partiyalar üçün nəzərdə tutulan 10%-lik maliyyə o partiyalara ayrılır ki, onlar üzvlük haqqı yığır. Yaxud da partiyaya üzvləri və cəmiyyətin digər nümayəndələri tərəfindən inaələr ödənilir. Ümid Partiyasında isə nə üzvlük haqqı yığılır, nə də cəmiyyətdən inaələr ödənilmədiyindən həmin vəsaiti heç ümumiyyətlə, qəbul etməyib. Yəni partiyaya bu vəsait ayrılmayıb”.
Taleh Əliyevin sözlərinə görə, partiyanın hesabatı boş hesabat kimi tədqim olunur:
“Bununla bağlı partiyanın hər hansı bir problemi yoxdur. Ümid Partiyası yalnız parlamentdə təmsil olunduğu vaxt ayrılan vəsaiti alıb. Sonrakı dövr ərzində isə parlamentdə təmsil olunmayan partiya kimi biz dövlət vəsaitini almamışıq ki, indi də bu vəsait kəsilmiş olsun”.
