DOST
DOST Agentliyi növbəti iri tenderini eyni şirkətə həvalə edib. AzPost xəbər verir ki, qurum IT və yardımçı avadanlıqlara texniki xidmət, lisenziyaların müddətinin uzadılması və yenilərinin alınması üçün 985 341 AZN məbləğində müqavilə imzalayıb.
Sifarişin icrası “B2B Group” MMC-yə həvalə olunub. Müqavilə artıq rəsmən qüvvəyə minib və işlərə başlanılıb. Maraqlısı odur ki, bu şirkət 2024 və 2025-ci illərdə də DOST-un çoxsaylı tenderlərinin qalibi olub.
Təkcə ötən il “B2B Group” MMC DOST Agentliyindən ümumilikdə 13 milyon AZN-dən artıq dəyərdə sifariş alıb. Bunlara Gəncə və Sumqayıt DOST mərkəzlərinin IT təminatı, proqram təminatı və lisenziya xidmətləri daxildir.
Şirkət 2019-cu ildə təsis olunub və nizamnamə kapitalı cəmi 10 AZN-dir. Hüquqi ünvanı Bakı şəhəri, Binəqədi rayonu, qanuni təmsilçisi isə Ramal Bəşirov Bəşir oğludur.
