ABŞ və İran arasında gərginliyin artdığı bir vaxtda ABŞ prezidenti Trampın prezident Ərdoğana İran prezidenti Messud Pezeshkian ilə birbaşa görüşmək üçün Türkiyəyə gələ biləcəyini dediyi iddia edilib.
AzPost bildirir ki, “Axios” nəşrinin məlumatına görə, Ərdoğan və Tramp ötən həftə İstanbulda diplomatik görüş qurmaq üçün intensiv danışıqlar aparıblar. Lakin İran prezidenti Xamneyidən razılıq alınmadığı üçün görüş baş tutmayıb.
Mənbələrdən alınan məlumata görə, prezident Ərdoğan G7 sammiti zamanı prezident Trampa zəng edərək İstanbulda ABŞ və İran rəsmiləri arasında diplomatik görüşün keçirilməsini təklif edib. Təklifi hərarətlə qarşılayan Tramp bildirib ki, razılıq əldə olunarsa, vitse-prezident Ceyms Devid Vensi və ABŞ-ın Yaxın Şərq üzrə xüsusi nümayəndəsi Stiv Vitkovu Türkiyəyə göndərə bilər. Hətta özü də İran prezidenti Məsud Pezeşkianla görüşməyə hazırdır.
Lakin İran rəsmiləri onun razılığını almaq üçün Xamneyi ilə əlaqə saxlamağa çalışsalar da, öldürülmək təhlükəsi ilə bağlı gizlənən Xamneyi ilə əlaqə saxlamaq mümkün olmayıb.
İranlılar Türkiyə rəsmilərinə Xamneyinin razılığının alına bilmədiyini və bu səbəbdən görüşün ləğv edildiyini bildiriblər.
