Alimlər ilk dəfə anadangəlmə karlığı olan insanların eşitmə qabiliyyətini bərpa etməyə müvəffəq olublar.
AzPost “IFLScience” nəşrinə istinadən bildirir ki, çinli və isveçli tədqiqatçılar OTOF genindəki mutasiya nəticəsində yaranan karlığın müalicəsində ilk dəfə olaraq gen terapiyasından uğurla istifadə ediblər.
Məhz onun fəaliyyətindəki pozğunluqlar səbəbindən bədən səslərin ötürülməsi üçün əsas zülal olan otoferlin istehsal etmir.
Sınaqlarda 1 yaşdan 24 yaşa qədər 10 xəstə iştirak edib – daxili qulağa membran vasitəsilə bir dəfəlik iynə vurulduqdan cəmi bir ay sonra bütün xəstələr daha yaxşı eşitməyə başlayıblar.
Ən yüksək nəticələr balaca uşaqlarda qeydə alınsa da, altı aylıq monitorinq hətta böyüklərdə də eşitmə qabiliyyətinin əhəmiyyətli dərəcədə yaxşılaşdığını göstərib. Orta qəbul edilən səs həcmi 106 desibeldən 52-yə yüksəlib.
