Atəşgah
Atəşgah Sığorta müştəri şikayətləri ilə gündəmə gəlib. AzPost xəbər verir ki, tanınmış vəkil Anar Ramazanov sosial media hesabında Atəşgah Sığorta ilə bağlı yaşadığı narazılığı ictimailəşdirib.
Vəkil bildirib ki, yüngül qəza hadisəsi zamanı Atəşgah Sığorta ilə əlaqə saxlamağa çalışsa da, şirkətin əməkdaşları tərəfindən gec və laqeyd münasibətlə qarşılaşıb. Onun sözlərinə görə, bir neçə dəfə zəng etdikdən sonra zəhmətlə cavab verən əməkdaş qeyri-etik üslubla “Qeyri-iş günüdür, nə istəyirsən, get polisə” deyərək kobudluq edib.
Anar Ramazanov qeyd edib ki, xidmətin zəifliyi və müştəri ilə rəftarın aşağı səviyyədə olması ciddi narazılıq doğurur: “Bu sistemə və belə xidmətə bir quş! Ayıb olsun”, — deyə vəkil sosial media paylaşımında bildirib.
Məsələ ilə bağlı Atəşgah Sığorta hələlik rəsmi açıqlama yaymayıb. Sosial şəbəkə istifadəçiləri isə şirkətin müştəri xidmətindən narazılıq etdiklərini və bu vəziyyətin sığorta sektorunda ümumi problemə çevrildiyini bildiriblər.
