Tramp
Putin may ayında İstanbula yüksək səviyyəli nümayəndə heyəti əvəzində tarixdən mühazirə oxuyan bir nəfəri göndərdi.
AzPost bildirir ki, bu sözləri ABŞ prezidenti Tramp NATO baş katibi ilə görüşdən sonra jurnalistlərə açıqlamasında deyib.
O, görüşdə iştirak edən dövlət katibi Rubioya və xüsusi nümayəndə Stiv Uitkofa müraciət edərək İstanbulda görüş təşkil edə bildiklərini xatırladıb: “Yadımdadır ki, siz İstanbulda bu danışıqları təşkil edə bildiniz. May ayında NATO zirvəsi ilə bağlı Türkiyədə idim. Biz ukraynalılara yüksək səviyyəli nümayədə heyətini İstanbula göndərmək üçün çox təzyiq etdik. Onlar da gəldirlər. Ruslar isə 1250-ci ildən bu yana Rusiyanın tarixini izah etməyə başlayan bir tarixçi (Medinski) ilə gəldilər”.
Bundan başqa Tramp BBC-yə açıqlamasında Rusiya prezidenti Putin barədə məyus oldğunu deyib.
“Mən ondan məyus oldum. Amma hələ ki, onun üzərindən xətt çəkməmişəm. Amma məyusam. Biz əla söhbət edirik. Mən deyirəm: “Yaxşıdır, məncə, biz həll yoluna yaxınlaşmışıq”. Sonra o Kiyevdəki binanı dağıdır. Dörd dəfə fikirləşdim ki, razılığa gəldik. Amma sonra evə gəlirsən, görürsən ki, doğum evini -filan bombalayıb. Mən öz-özümə dedim ki, bu nə deməkdir?!”
