Avropanın mədənlərində insan haqları pozuntuları üç dəfə artıb
22 İyul 2025 - 15:29

Avropa İttifaqının enerji keçidi üçün vacib olan mədənlərdə insan haqları və ətraf mühit pozuntularının sayı 2024-cü ildə əvvəlki illərlə müqayisədə üç dəfə artıb. Business and Human Rights Resource Centre (BHRRC) təşkilatının hazırladığı hesabatda 13 ölkədə 270 belə iddia qeydə alınıb ki, bu da 2023-cü ilin 92 iddiasından xeyli çoxdur.

AzPost xəbər verir ki, ən çox pozuntular Rusiyada, ardınca Ukrayna və Qazaxıstanda aşkarlanıb. Hesabatda işçi hüquqlarının, xüsusilə sağlamlıq və təhlükəsizlik standartlarının pozulması ən geniş yayılmış problem kimi göstərilib. Eyni zamanda hava, torpaq və suyun çirklənməsi kimi ekoloji məsələlər də ciddi narahatlıq doğurur.

Avropa İttifaqı fosil yanacaqlardan azad olmaq üçün mis, litium və digər kritik minerallara böyük ehtiyac duyur. Lakin mütəxəssislər xəbərdarlıq edir ki, enerji keçidi prosesində insan haqları və ekoloji normalar qorunmalıdır. Hesabatın müəlliflərindən Ella Skybenko bildirir ki, “klimatın qorunması ilə insanların və təbiətin təhlükəsizliyi arasında seçim etməməliyik”.

AzPost.az

Paylaş
Şikayət və təkliflər üçün qaynar xətt:
Əlaqə whatsapp: +994 77 530 95 85

Bizi sosial şəbəkələrdə izləyin

AzPost

© Materiallardan istifadə edərkən hiperlinklə istinad olunmalıdır.