Rusiya Prezidenti Vladimir Putinin Suriya lideri Əhməd əl-Şaraa ilə danışıqları başa çatıb.
Danışıqlar iki saat yarımdan çox davam edib.
Görüşün protokol hissəsində dövlət başçıları çıxış ediblər.
Putin bildirib ki, Rusiya Suriya ilə münasibətlərində həmişə Suriya xalqının maraqlarını rəhbər tutub.
“80 ildən artıqdır diplomatik əlaqələrimiz var. Bu müddət ərzində Suriya ilə Rusiya arasında münasibətlər həmişə müstəsna dostluq münasibətilə olub. Bizim heç vaxt Suriya ilə siyasi konyuktura və ya xüsusi maraqlarımızla bağlı heç bir münasibətimiz olmayıb. Suriya çətin günlərdən keçir, lakin son parlament seçkiləri bütün siyasi qüvvələr arasında əməkdaşlığı gücləndirəcək”, = Rusiya prezidenti vurğulayıb.
Əhməd əl-Şaraa qəbula görə Putinə təşəkkür edib. O qeyd edib ki, Rusiya və Suriyanı tarixi əlaqələr bağlayır.
Əl-Şaraa Suriyanın yeni hakimiyyətinin Rusiya ilə münasibətləri bərpa etmək niyyətində olduğunu da qeyd edib.
