Ukrayna prezidenti Vladimir Zelenski və onun qərb tərəfdaşları ABŞ prezidenti Donald Trampın son danışıqları zamanı Rusiya ilə bağlı son bəyanatlarından narazı olduqlarını bildiriblər.
AzPost bildirir ki, bu barədə Reuters xəbər verir.
Nəşrin yazdığına görə, Trampın Rusiya prezidenti Vladimir Putinlə münasibətləri yaxşılaşdırmaq siyasəti Zelenskinin Vaşinqtona rəsmi səfərinə kölgə salıb.
“Bu, görüşün açıq hissəsində liderlərin jurnalistlərlə qarşılıqlı əlaqəsi zamanı artıq nəzərə çarpırdı”, – Reuters qeyd edir.
Avropa liderləri xüsusilə onun Putinlə telefon danışığından sonra Ağ Evin barışdırıcı tonundan narahat olublar. Qərb tərəfdaşları hesab edirlər ki, bu cür addımlar Trampın Rusiya lideri ilə Ukrayna və onun müttəfiqlərinin maraqlarından yan keçərək, Moskvanın xeyrinə anlaşma əldə edə biləcəyi qorxusunu artırır.
