Stresli anlarda insanın şirniyyata olan meyli fiziologiyamızla bağlıdır. AzPost xəbər verir ki, psixoloq Marina Sklyarova bildirib ki, stress zamanı orqanizm qədimdən bəri insanlarda formalaşmış daxili siqnallara cavab verir.
Ekspertin sözlərinə görə, şirin dad qədim insan üçün təhlükəsiz və enerji verən qida siqnalı olub. Bundan başqa, ana südünün yumşaq şirin dadı bizdə ilk dəfə sevgi, istilik və qayğı hissini formalaşdırıb. Ona görə də şirniyyata meyli, şüursuz şəkildə, həmin rahatlıq və sakitlik hissini geri qaytarmaq istəyindən qaynaqlanır.
Sklyarova əlavə edib ki, orqanizm təmiz şəkərə qəza kimi reaksiya verir. Qan şəkəri sürətlə yüksəlir, mədəaltı vəzin insulini ifraz etməsi ilə şəkəri emal etməyə çalışır. Bir müddət sonra isə qan şəkəri çox aşağı düşür və orqanizm yenidən aclıq siqnalı verir. Bu, “yüksəliş – eniş – aclıq – yenidən yüksəliş” dövrü yaradır və insanlar şirniyyata davamlı meyl edir.
Ekspert vurğulayır ki, stres zamanı şirniyyata həddən artıq meyl, əslində, orqanizmin rahatlıq və enerji balansını bərpa etmək üçün göstərdiyi təbii reaksiyadır.
