Ayı
Yaponiyada boz ayıların insanlara hücumları ciddi şəkildə artıb. Azpost.info xəbər verir ki, son hadisə Qumma prefekturasında baş verib: ayı ictimai tualetdə bir kişiyə hücum edib.
Hadisə zamanı kişi tualetdən çıxarkən 1–1,5 metr uzunluğunda ayını görüb. Mübahisə zamanı o, yıxılsa da, ayaqları ilə ayını dəf edərək ciddi xəsarət almadan yaxınlıqdakı polis bölməsinə çatıb.
Apreldən bu yana Yaponiya üzrə 197 hücum qeydə alınıb, onlardan 13 nəfər ölüb. Bu göstəricilər ölkə tarixində rekord sayılır və 2025-ci ilin sonunda əvvəlki rekord olan 219 hücumdan da artıq olması gözlənilir.
Ekspertlər bildirirlər ki, ayıların şəhərlərə girməsinin əsas səbəbi təbiətdə qida çatışmazlığıdır. Bu payız palıd və fıstıq məhsullarının yetərsizliyi ayıları aclıqla üz-üzə qoyub, onlar yaşayış məntəqələrinə yaxınlaşaraq insanlardan qida axtarırlar.
Yerli hakimiyyət və müvafiq orqanlar təhlükəli heyvanların tutulması və idarə olunması üçün ekstrə tədbirlər görür. Ən çox hücum baş verən Akita prefekturasına isə hərbi və polis qüvvələri dəstək üçün cəlb olunub.
Bununla yanaşı, əhalini xəbərdar etmək məqsədilə aparılan maarifləndirmə kampaniyaları da diqqət mərkəzindədir. Belə ki, Onagawa şəhərində yerləşdirilən ayının şəkli sosial şəbəkələrdə süni intellekt tərəfindən yaradıldığı üçün səhv hesab olunaraq silinmiş və yerli hakimiyyət üzrxahlıq edib.
