Vladimir Putin Rusiyaya dost olmayan ölkələrdən gələn zəngləri tamamilə qadağan edə biləcəyini bəyan edib.
AzPost bildirir ki, bu, Prezidentə İnsan Hüquqları Şurasının üzvləri tərəfindən təklif edilib. “Qadağa telefon və internet fırıldaqçılığı ilə mübarizə üçün yeni tədbirlər paketinə daxil edilə bilər”-deyə Putin İnsan Hüquqları Şurasının üzvləri ilə görüşdə qeyd edib.
Qeyd edək ki, yayda Rusiya WhatsApp və Telegram vasitəsilə zəngləri bloklamağa başlayıb. Payızın sonlarından bəri FaceTime ilə bağlı problemlər də ortaya çıxıb. Roskomnadzor bunu “fırıldaqçılığa qarşı mübarizə” kimi izah edir. Bu, dövlət tərəfindən idarə olunan Max mesajlaşma tətbiqi üçün lobbiçilik fonunda baş verir.
Rusiya hakimiyyət orqanlarının məlumatına görə, “dost olmayan” ölkələr siyahısının son versiyasına 47 ölkə və ərazi daxildir. Bunlara AB ölkələri, ABŞ, Birləşmiş Krallıq, İsveçrə, Norveç, Kanada, Avstraliya, Yeni Zelandiya, Yaponiya, Cənubi Koreya, Ukrayna və Monteneqro daxildir.
