Qrenlandiyanı ABŞ-dan başqa heç bir ölkə və ya ölkələr qrupu qoruya bilməz.
APA xəbər verir ki, bunu ABŞ Prezidenti Donald Tramp Davosda Dünya İqtisadi Forumunda deyib.
“Mənim həm Danimarka, həm də Qrenlandiya xalqına hörmətim var. Lakin fakt budur ki, Qrenlandiyanı ABŞ-dan başqa heç bir ölkə və ya ölkələr qrupu qoruya bilməz. İkinci Dünya müharibəsində Danimarka Almaniyaya 6 saatlıq müharibədən sonra uduzdu. ABŞ öz qüvvələrini göndərdi və Qrenlandiyanı qorudu. Danimarka bunu bilir. Sonra isə biz Qrenlandiyanı Danimarkaya qaytardıq. Bu axmaq hərəkət idi, amma biz bunu etdik. Danimarkalılar isə indi nankorluq edirlər”, – Donald Tramp qeyd edib.
“Onların (Avropalıların) seçimi var- onlar “hə” deyə bilərlər. Belə olsa biz bunu çox-çox yüksək qiymətləndirəcəyik. Onlar “yox” da deyə bilərlər. Mənfi cavab versələr biz bunu yadımızda saxlayacağıq”,- Tramp xəbərdarlıq edib.
Tramp deyib ki, Qrenlandiyaya görə güc tətbiq etməyəcək, ABŞ-ın beynəlxalq təhlükəsizlik üçün ora ehtiyacı var. İndiyə kimi NATO-dan heç nə almamışıq, Qrenlandiyanı istəyirik.
