Qətərin əvvəlki LNG istehsalı səviyyələrinə qayıtması üçün ən azı bir ay vaxt lazım olacaq.
Azpost.info bildirir ki, bu barədə Reuters mənbələrə istinadən xəbər verir. Qeyd edək ki, milli neft və qaz şirkəti Qatar Energy tərəfindən əməliyyatlar dayandırılıb.
Qatar Energy daha əvvəl müştərilərinə LNG istehsalının dayandırılması səbəbindən fors-major hadisə barədə məlumat vermişdi.
Mənbələr qeyd edir ki, Ras Laffan zavodunun istehsalı yenidən başlatması üçün ən azı iki həftə lazımdır., Daha iki həftə isə əvvəlki gücü bərpa etməsi aparacaq.
Qətər dünyanın ən böyük üç LNG ixracatçısından biridir. Ölkənin şimalında, Dohadan təxminən 80 kilometr məsafədə yerləşən Ras Laffan sənaye klasterində ölkənin əsas mayeləşdirmə, saxlama və boşaltma müəssisələri yerləşir. Kompleksin infrastrukturuna ildə təxminən 77 milyon ton tutumlu 14 LNG qatarı daxildir.
