Hörmüz boğazı
Paris ABŞ prezidenti Donald Trampın Hörmüz boğazından keçidi təmin etmək üçün hərbi yardım çağırışını rədd edib.
Azpost.info bildirir ki, bu barədə Financial Times qəzeti məlumat yayıb.
FT-nin məlumatına görə, Fransa hakimiyyəti yalnız ABŞ, İran və qonşu ölkələr arasında hərbi əməliyyatlar dayandırıldıqdan sonra gəmilər göndərməyə hazırdır.
Həftəsonu Financial Times qəzetinə verdiyi müsahibədə Tramp NATO müttəfiqlərindən və Çindən İranın bu strateji əhəmiyyətli su yolundan keçən gəmilərə dron, raket və mina hücumlarına qarşı kömək etmələrini tələb edib.
Bir mənbə bildirib ki, Fransa döyüşlər bitdikdən sonra birgə patrul qüvvəsi yaratmaq barədə Avropa və Körfəz ölkələri də daxil olmaqla digər ölkələrlə danışıqlar aparır.
Almaniya, Yunanıstan və Böyük Britaniya da gəmilərini boğaza göndərməkdən çəkinirlər.
