Arxeoloqlar İsraildə İsa Məsihin möcüzələr göstərdiyi Vifsaida şəhərini tapdıqlarını bəyan ediblər.
Azpost.info Britaniyanın “The Daily Star” qəzetinə istinadən bildirir ki, Əl-Arac şəhəri elə Bibliyada qeyd olunan Vifsaida şəhəridir. Alimlər bunu tapdıqları Müqəddəs Pyotrun evi və İsa Məsihin möcüzələr göstərdiyi itirilmiş kilsənin müəyyən etmələri ilə əsaslandırırlar.
Mütəxəssislər hesab edirlər ki, İsraildə Əl-Ərəc kimi tanınan yer İsanın ən inanılmaz möcüzələrindən bir neçəsini göstərdiyi əfsanəvi Vifsaida şəhəridir. Arxeoloqlar onların kəşfinin Həvari Pyotrun həqiqətən harada yaşadığına işıq salacağını söyləyirlər.
Gölün sahilində elm adamları həvarilərin kilsəsi olduğuna inandıqları Bizans dövrünə aid nəhəng bir bazilika aşkar ediblər. Onlar həmçinin Roma dövründə yerli balıqçılar tərəfindən istifadə edilən ağır daşlar və Müqəddəs Pyotru “həvarilərin başı və cənnətin açarlarının saxlayıcısı” adlandıran bir yazı tapıblar. Arxeoloqlar ən heyrətamiz kəşfi kilsənin apsisinin, bir vaxtlar qurbangahın yerləşdiyi günbəzli hissənin altında gizlənmiş birinci əsrə aid bir tikili kimi təsvir ediblər. Alimlərin tapıntıları kilsənin birbaşa Pyotr və Andrey qardaşlarının evinin yerində tikildiyini iddia edən VIII əsr yepiskopu Villibaldın qeydləri ilə dəstəklənir.
Qazıntı direktoru Stiven Notli bildirib ki, bu kəşf Pyoturn bazilika ilə sıx əlaqəli olduğunu və çox güman ki, ona həsr olunduğunu göstərən ən inandırıcı dəlildir”.
O, qeyd edib ki, Bizans xristian ənənəsində Pyotrun evi bu gün tez-tez inanıldığı kimi, Kapernaumda deyil, Vifsaida yerləşdiyindən, bazilika onun evinin xatirəsinə ucaldılıb.
Qeyd olunur ki, Yeni Əhdi-Cədidə görə, İsa Vifsaidada kor bir insanın görmə qabiliyyətini bərpa edib, onu kənddən çıxarıb. Yaxınlıqda yaşayan 5000 nəfəri beş çörək və balıqla doyurub və ətrafına Filip, Endryu və Pyotrun də daxil olduğu yaxın adamlarını toplayıb.
