Azərbaycan Mərkəzi Bankının ən son rəsmi hesabatına əsasən, 2025-ci ildə Rusiyadan Azərbaycana fiziki şəxslər tərəfindən 479 milyon 263 min ABŞ dolları məbləğində pul köçürülüb.
Azpost.info bildirir ki, Rusiya bu göstərici ilə ölkəyə daxil olan ümumi pul köçürmələrinin 40,7%-ni təşkil edərək yenə də ilk sırada qərarlaşıb.
Pul köçürmələrinin pik dövrü 2022-ci ildə qeydə alınıb.
Həmin Rusiyadan ölkəmizə rekord məbləğdə-3,62 milyard dollar pul göndərilib. Buna Ukrayna müharibəsinin başlaması və miqrasiya dalğası səbəb olub.
Rusiya rublunun ABŞ dolları qarşısında kəskin ucuzlaşması soydaşlarımızın qazandıqları rublla daha az xarici valyuta almasına və nəticədə Azərbaycana göndərilən məbləğin azalmasına səbəb olub.
Bundan başqa Rusiyaya tətbiq edilən beynəlxalq maliyyə sanksiyaları pul köçürmə sistemlərinin fəaliyyətini çətinləşdirib. Həmçinin Rusiyadakı mövcud iqtisadi sıxıntılar fonunda qazanc imkanlarının məhdudlaşması köçürmələrə birbaşa təsir göstərib.
