Çexiyalı alim bir qram ay tozunu mənimsəyib. Məhkəmənin qərarına görə, indi onun ailəsi onu Praqadakı Elmlər Akademiyasına təhvil verməlidir.
Azpost.info -nun məlumatına görə, “Der Spiegel” jurnalı xəbər verir ki, alimin ailəsi on illərdir ki, ay tozunu saxlayıb. Qohumları isə materialı mədəni sərvət kimi ixrac etmək, ehtimal ki, xaricdəki kolleksiyaçılara satmaq üçün ərizə təqdim ediblər.
Alim 1970-ci illərdə Sovet İttifaqına tədqiqat səfəri zamanı ay süxur nümunələrini əldə edib. Praqadakı Elmlər Akademiyası materialı geri almaq qərarına gəlib, çünki tədqiqatçı SSRİ-yə fərdi şəxs kimi deyil, onun nümayəndəsi kimi səfər edib.
Alimin qızı iddia edib ki, anası ay torpağını birbaşa sovet həmkarlarından alıb və ailə onu öz mülkiyyəti hesab edib. Çexiya Ali Məhkəməsi Akademiyanı dəstəkləyən qərar verib. Məhkəmənin qərarına görə, alim nümunələrin heç bir halda onun əlinə keçə bilməyəcəyini bilməli idi.
