Rusiyalı məşhur milyarder Abramoviç Kiyevdə Ukrayna prezidenti Zelenski ilə görüşüb.
Azpost.info bildirir ki, bu barədə Ukraynalı deputatAleksey Qonçarenko bəyan edib.
Aleksey Qonçarenkonun sözlərinə görə, rusiyalı milyarder Ukraynaya prezident Volodimir Zelenski ilə görüşmək və ondan Vladimir Putinə mesaj çatdırmaq üçün gəlib.
Kreml həmçinin Ukrayna ilə qapalı əlaqələrinin olduğunu iddia edib. Rusiya prezidentinin köməkçisi Yuri Uşakovun sözlərinə görə, çoxları tərəfindən tanınan Rusiyadan olan kifayət qədər tanınmış bir iş adamı Kiyevə səfər edib.
Daha əvvəl Rusiya prezidenti bildirib ki, guya 21 mayda Ukrayna prezidentinin dəvəti ilə Kiyevə rusiyalı bir iş adamı səfər edib və yalnız onun etibar etdiyi “layiqli bir insan” olduğunu qeyd edib.
Ukrayna Prezidentinin Aparatı Qonçarenkonun iddiasına münasibət bildirməyib.
