“Kreml Ermənistan seçkilərinin yekun nəticələrini gözləyir və çoxsaylı qanun pozuntuları da daxil olmaqla bütün hesabatları qeydə alır“.
Azpost.info -nun məlumatına görə, bu barədə Rusiya prezidentinin mətbuat katibi Dmitri Peskov bildirib.
“Biz bu yekun nəticələri gözləyirik. Bu vaxt ərzində bu seçkilər ətrafında ortaya çıxan bütün hesabatları diqqətlə izləyirik. Həmçinin bu seçkilər zamanı baş verən çoxsaylı qanun pozuntuları barədə hesabatları qeydə alırıq”, – deyə Peskov jurnalistlərə Ermənistan seçkiləri ilə bağlı sualı cavablandırarkən bildirib.
