Müharibə olmayacaq, sülh olacaq.
Azpost.info bildirir ki, bu sözləri Ermənistanın Baş naziri Nikol Paşinyan bu gün keçirilən brifinqdə deyib.
Jurnalist ona seçki kampaniyası zamanı səsləndirdiyi partiyasının konstitusiya səs çoxluğunu almayacağı halda sentyabr ayında müharibə olacağı barədə öz iddiasını xatırladıb.
Baş nazir müharibə olmayacağına və Ermənistan hakimiyyətinin sülhü qorumaq üçün əlindən gələni edəcəyinə əmin edib.
Onun sözlərinə görə, sülhü əldə etməyin bir yolu “Tramp Marşrutu” layihəsini həyata keçirməkdir. Layihəyə mütləq dəmir yolu, avtomobil yolu və elektrik xətti daxil olacaq. Paşinyan bildirib ki, neft və qaz boru kəmərləri sual altındadır. Onlar tərəfdaşlar üçün daha aktualdır.
“Bu üç komponent artıq sülhü təşkil edir. Təsəvvür edin, biz Azərbaycandan, onlar isə Ermənistandan keçirlər. Qatarlar hərəkət edir. Bu, sülhdür”, – Paşinyan bildirib.
Paşinyan deyib ki, sülh müqaviləsinin imzalanması və təsdiqlənməsi üzərində işlər davam edəcək. Delimitasiyaya gəldikdə isə, proses davam edəcək. “İkitərəfli ticarət inkişaf edir. Əminəm ki, bu istiqamət artmaqda davam edəcək”, – deyə Paşinyan hesab edir.
