Azərbaycan Respublikasının Mədəniyyət Nazirliyinin maliyyə dəstəyi ilə Tarix sahəsində Maarifləndirməyə Dəstək İctimai Birliyi tərəfindən icra edilən “Rəqəmal Mədəni İrs: QR Bələdçi Şəbəkəsinin Yaradılması” layihəsi çərçivəsində İsmayıllı rayonunda həyata keçirilən çəkiliş işləri tamamlanıb.
Layihə çərçivəsində 1941–1945-ci il abidəsi, Sumağallı məscidi, İsmayıllı Cümə məscidi, Qalagah kilsəsi və Topçu məscidi üzrə video çəkilişlər aparılıb, abidələrin coğrafi koordinatları müəyyənləşdirilib və tarixi məlumatlar sistemləşdirilib.
Hazırlanan materiallar çoxdilli video kontentə çevriləcək və QR kodlar vasitəsilə abidələrin ərazilərində təqdim ediləcək. Bu yanaşma həm yerli əhali, həm də turistlər üçün mədəni irs haqqında məlumat əldə etməyi asanlaşdıracaq.
