Prezident İlham Əliyev Naxçıvan Muxtar Respublikasında bir sıra kadr dəyişiklikləri ilə bağlı sərəncamlar imzalayıb.
Sərəncamlara əsasən, Naim Etibar oğlu Cahidzadə Naxçıvan Muxtar Respublikası Sədərək Rayon İcra Hakimiyyətinin başçısı vəzifəsindən azad edilib.
Dövlət başçısının digər sərəncamı ilə Rəcəb Zakir oğlu Rəhimli Ordubad Rayon İcra Hakimiyyətinin başçısı vəzifəsindən azad olunub.
Prezident İlham Əliyevin imzaladığı növbəti sərəncamla Nurlan Rauf oğlu Hacıyev Ordubad Rayon İcra Hakimiyyətinin başçısı təyin edilib.
Digər sərəncama əsasən isə Naim Etibar oğlu Cahidzadə Culfa Rayon İcra Hakimiyyətinin başçısı vəzifəsinə təyin olunub.
Beləliklə, Prezidentin bugünkü sərəncamları ilə Naxçıvan Muxtar Respublikasında iki rayon üzrə icra hakimiyyəti başçılarının dəyişdirilməsi və yeni təyinatlar rəsmiləşdirilib.
