Hörmüz boğazında gərginlik davam edir.
Reuters-in məlumatına görə, həftəsonu boğazdan cəmi 12 yük gəmisi keçib. Bir həftə əvvəl bu göstərici 35 gəmi olub.
Məlumatlar gəmi hərəkətini transponder və peyk siqnalları əsasında izləyən Kpler şirkətinə aiddir.
Müharibə başlamazdan əvvəl, fevralın 28-dən əvvəl, Hörmüz boğazından gündə orta hesabla təxminən 125 iri kommersiya gəmisi keçirdi.
Bununla yanaşı, Səudiyyə Ərəbistanının neft ixracında qismən bərpa müşahidə olunur. Kpler məlumatlarına görə, ölkənin sentyabr ayında Hörmüz boğazından keçən xam neft ixracı gündəlik 4 milyon bareldən yuxarı olub. Avqustda bu göstərici təxminən 2,4 milyon barel idi.
Reuters qeyd edir ki, ABŞ və İran arasında qarşıdurma fonunda Körfəz bölgəsində vəziyyət hələ də gərgin olaraq qalır.
