Türkiyədə prezident Rəcəb Tayyib Ərdoğanın keçmiş müşaviri, hakim Ədalət və İnkişaf Partiyasının (AKP) sabiq deputatı Ərtan Aydın saxlanılıb.
Türkiyənin İlke TV telekanalının məlumatına görə, o, kapital bazarında şübhəli əməliyyatlarla bağlı iş üzrə istintaqa cəlb olunub. Ərtan Aydın Ankarada saxlanıldıqdan sonra İstanbula aparılıb. O, İstanbul prokurorluğunun araşdırmasının növbəti mərhələsi çərçivəsində saxlanılan beş nəfər arasında yer alıb.
İş üzrə digər şübhəlilər arasında Türkiyənin Türkiye Sigorta və Türkiye Hayat Emeklilik sığorta şirkətlərinin baş direktorunun köməkçisi Fəxri Uğur, Tera Holding şirkətinin baş direktorunun müavini Seda Tarım Kocabalkan, KUYAS Yatırım investisiya şirkətinin rəhbəri Abdullah Dal və tutduğu vəzifə barədə məlumat verilməyən Hakan Erylmaz da var.
