Vəziyyətlə tanış olan iki diplomatın sözlərinə görə, ABŞ rəsmiləri Yaxın Şərqin bir sıra ölkələrini və regiondakı müttəfiqlərini gələn həftə ABŞ-da keçiriləcək aralıq seçkilərindən sonra İrana qarşı hərbi əməliyyatların yenidən başlana biləcəyi, eləcə də Tehranın cavab zərbələri endirə biləcəyi barədə xəbərdar ediblər.
Azpost.info bildirir ki, bu barədə Associated Press məlumat yayıb.
Diplomatlar vurğulayıblar ki, ABŞ Prezidenti Donald Tramp hələ İrana yeni zərbələr endirilməsi ilə bağlı yekun qərar qəbul etməyib. Bununla belə, o, noyabrın 3-də ABŞ-da keçiriləcək mühüm seçkilər başa çatdıqdan sonra yeni hərbi əməliyyatlara başlamaq barədə əmr vermək ehtimalını dəfələrlə nəzərdən keçirdiyini bildirib.
Diplomatların sözlərinə görə, ABŞ regional müttəfiqlərinə hərbi əməliyyatların yeni mərhələsinin bir neçə gün davam edə biləcəyi barədə xəbərdarlıq edib. Lakin region ölkələri daha uzunmüddətli münaqişəyə hazırlaşırlar.
ABŞ rəsmiləri müttəfiqlərini İranın mümkün cavab tədbirləri ilə əlaqədar ehtiyat tədbirləri görməyə də çağırıblar. Bildirilib ki, Tehranın cavab zərbələri enerji obyektlərini və digər mühüm infrastrukturu hədəfə ala bilər.
