ABŞ Dövlət Departamenti “Xarici agentlər” qanununa görə Gürcüstan rəsmilərinə sanksiya tətbiq ediləcəyini açıqlayıb.
Dövlət katibi Entoni Blinkenin bəyanatında Gürcüstan hökumətinin etirazların dağıdılmasında “repressiv taktikalar”dan və “milli təhlükəsizlik qanunu”ndan istifadə etdiyi, bunun Gürcüstanda demokratiyanı baltaladığı qeyd olunub.
“Bu fəaliyyətlərə cavab olaraq Dövlət Departamenti Gürcüstan üçün Gürcüstanda demokratiyanın baltalanmasına görə, məsuliyyət daşıyan və ya buna şərik olan fərdlərə, həmçinin onların ailə üzvlərinə tətbiq ediləcək yeni viza məhdudiyyəti siyasəti tətbiq edir. Bura Gürcüstanda zorakılıq və təhdid kampaniyaları ilə vətəndaş cəmiyyətini və sərbəst toplaşmaq azadlığını boğmağa çalışanlar da daxildir”, – bəyanatda qeyd edilib.
