“ABŞ həmişə İsraili dəstəkləyəcək və müdafiə edəcək”.
Azpost.info xəbər verir ki, bunu ABŞ dövlət katibi Antoni Blinken İsrail Baş naziri Benyamin Netanyahu ilə birgə mətbuat konfransında bildirib.
“Özünüzü təkbaşına müdafiə edəcək qədər güclü ola bilərsiniz, amma nə qədər ki, ABŞ var, tək olmayacaqsınız. Biz həmişə sizin yanınızda olacağıq”, – Blinken deyib.
O qeyd edib ki, Birləşmiş Ştatlar ölkədə İsrail cəmiyyətinin birlik və qətiyyətini nümayiş etdirən fövqəladə hökumətin yaradılmasını alqışlayır.
Bundan əvvəl İsrail Baş naziri Blinkeni Təl-Əvivdə qəbul edib. Geniş tərkibdə keçirilən görüşdə İsrailin xarici işlər naziri Eli Koen, strateji planlaşdırma naziri Ron Dermer və bir sıra digər rəsmi şəxslər də iştirak ediblər. ABŞ tərəfdən danışıqlarda İsraildəki səfir, Blinkenin Yaxın Şərq məsələləri üzrə köməkçisi Barbara Leaf və digər rəsmi şəxslər təmsil olunur.
Azpost.info
