ABŞ Prezidenti Donald Tramp Birləşmiş Ştatlara idxal olunan bütün məhsullara azı 10 faiz rüsum tətbiq ediləcəyini açıqlayıb.
“CNN” xəbər verir ki, bu barədə o, canlı müraciəti zamanı deyib. Tramp ABŞ ilə ticarət kəsiri ən yüksək olan ölkələrə tətbiq ediləcək rüsumun daha çox olacağını bildirib. Yalnız ABŞ, Kanada və Meksika arasında azad ticarət sazişinə daxil olan məhsullar istisna ediləcək.
İstisna edilməyən məhsullara 25 faiz vergi tutulmağa davam edəcək. Digər ölkələrdən idxal edilən məhsullara tariflər aprelin 5-i saat 00:01-dən qüvvəyə minəcək.
Cədvəldə iki əsas göstərici var:
1. “Tariffs Charged to the U.S.A.” – Həmin ölkənin ABŞ mallarına tətbiq etdiyi tarif və ticarət məhdudiyyətlərinin ümumi faizi.
2. “U.S.A. Discounted Reciprocal Tariffs” – ABŞ-ın həmin ölkədən gələn mallara tətbiq etdiyi qarşılıqlı (amma endirimli) tarif faizi.
Azərbaycana aid olan hissə:
– Tariffs Charged to the U.S.A. – 10%
– U.S.A. Discounted Reciprocal Tariffs – 10%
Bu o deməkdir ki:
– Azərbaycan ABŞ-dan gələn məhsullara 10% tarif tətbiq edir.
– ABŞ da Azərbaycandan gələn məhsullara eyni dərəcədə (10%) tarif tətbiq edir.
Bu, bərabər və qarşılıqlı (reciprocal) bir tarif münasibəti hesab olunur.
Diqqət çəkən ölkələr:
-Lesotho – 99% / 50%
– Mauritius – 80% / 40%
– Sint Maarten, Albania, Armenia, Georgia və s. – 10% / 10% – yəni bərabər tariflər
– Iraq – 78% / 39%
– Falkland Islands – 82% / 41%
Bu ölkələrdə ABŞ məhsullarına daha yüksək tarif tətbiq olunur, amma ABŞ bu ölkələrə nisbətən daha aşağı (yarıbayarı) tariflə cavab verir.
Dövlət Gömrük Komitəsinin məlumatına görə, 2024-cü ildə Azərbaycanın ABŞ ilə ticarət dövriyyəsinin ümumi həcmi illik ifadədə 1.9 dəfədən çox artaraq 1.75 milyard dolları üstələyib. Azərbaycan ötən il Birləşmiş Ştatlara 135 milyon dollarlıq (+8.4 dəfə), ABŞ Azərbaycana 1.61 milyard dollarlıq (+1.8 dəfə) məhsul ixrac edib.
