25 hərbi gəmidən ibarət ABŞ Hərbi Dəniz Qüvvələri qrupu İran sahillərində fəaliyyətini davam etdirir.
Azpost.info bildirir ki, bu barədə ABŞ Hərbi Dəniz Qüvvələri İnstitutunun məlumatında deyilir.
USS Abraham Lincoln və USS George H.W. Bush təyyarədaşıyan gəmiləri hazırda İranın cənub-şərqində Ərəbistan dənizində döyüş növbətçiliyi aparır. Onların tərkibində 100-dən çox qırıcı təyyarə, elektron müharibə təyyarəsi və havada erkən xəbərdarlıq təyyarələrindən ibarət birləşmiş donanma var.
Təyyarədaşıyanlarla yanaşı, Hörmüz boğazının şərqindəki Oman körfəzi də daxil olmaqla bölgədə 14 idarə olunan raket esminesi, iki sahil döyüş gəmisi və üç minaaxtaran gəmi yerləşdirilib.
Oman körfəzində üç böyük desant gəmisi və bir dəniz ekspedisiya batalyonundan ibarət amfibiya hücum qrupu da yerləşdirilib.
Gəmilər döyüş patrullarına əlavə olaraq, İran limanlarının dəniz blokadasının tətbiqində iştirak edir.
Bundan əlavə, iki Amerika idarə olunan raket esminesi hazırda Səudiyyə Ərəbistanı sahillərində Qırmızı dənizdə döyüş növbətçiliyi aparır.
Pentaqon katibi Pit Heqset ötən cümə günü Sinqapurda keçirilən “Şanqri-La Dialoqu” beynəlxalq təhlükəsizlik forumunda çıxış edərək bildirib ki, Tehranın nüvə proqramı ilə bağlı danışıqlar uğursuz olarsa, ABŞ ordusu İrana qarşı hücumları bərpa etməyə hazırdır.
