Etibarlı mənbələr ABŞ və İran arasında qarşıdakı günlərdə münaqişəyə son qoymaq üçün razılığa gəlmə ehtimalının aşağı olduğunu təxmin edir. Əsas səbəblərdən biri İsrailin Livanın cənubunda davam edən atəşkəsi pozmasıdır.
Azpost.info bildirir ki, bu barədə Anadolu Agentliyi məlumat verib.
Bu şərhlər ABŞ prezidenti Trampın İranla razılığa gəlməyin və Yaxın Şərqdəki uzanan münaqişənin həllinin cəmi bir neçə gün çəkə biləcəyi ilə bağlı son açıqlamasına reaksiya olub.
Mənbə vurğulayıb ki, İsrailin davam edən atəşkəsi pozması nəzərə alınmaqla vəziyyət mürəkkəbdir və həssas bir mərhələyə qədəm qoyub. “Bu vəziyyətdə dərhal razılaşma əldə etmək çox az ehtimal olunur”.
Mənbələrə görə, Pakistan atəşkəs pozuntularına son qoymağa və tərəfləri danışıqlara qaytarmağa diqqət yetirir. Onlar hesab edirlər ki, İsrailin Livanın cənubunda əməliyyatlarını dayandırması və ABŞ ilə İran arasında dialoqun bərpası tez bir razılaşma şansını artıracaq. Lakin prosesi iki-üç gün ərzində başa çatdırmaq mümkün deyil.
Həmçinin iddia edilir ki, tərəflər əvvəllər müvəqqəti razılaşmaya yaxın idilər, lakin Livanın cənubundakı hadisələr onu pozub. İslamabad danışıqlar üçün yol aça biləcək sürətli irəliləyiş gözləyir.
Pakistan, Qətər də daxil olmaqla, regional tərəfdaşları ilə birlikdə Trampı Livanın cənubundakı hərbi əməliyyatlara son qoymaq üçün İsrailə təzyiqi artırmağa inandırmaq üçün səylərini davam etdirir. İslamabad İsrailin davam edən hücumlarına baxmayaraq Livan məsələsi ilə bağlı Ağ Evdən müsbət cavab aldığını iddia edir.
Eyni zamanda, mənbələrə görə, hücumlara dərhal son qoyulacağına dair hələlik heç bir əlamət yoxdur. Lakin Vaşinqtonun cavabını nəzərə alaraq Pakistan yaxın günlərdə mümkün irəliləyişlərə ümid edir.
Qeyd olunur ki, İslamabad Vaşinqtona İsrailin Livanın cənubunu və Qəzza zolağını bombalaması münaqişəyə son qoymaq üçün razılığa gəlmək səylərinə mane olduğu barədə məlumat verib.
A.Əliyev
