“ABŞ bu həftə sonu Türkiyənin İsveç və Finlandiyanın NATO-ya daxil olmasına niyə etiraz etdiyini öyrənməyə çalışacaq”.
Azpost.info xəbər verir ki, bu barədə Ağ Evin mətbuat katibi Cen Psaki bildirib.
“Biz Türkiyənin mövqeyini aydınlaşdırmağa çalışırıq. Qeyd edim ki, alyans ölkələrindən Finlandiya və İsveçin NATO-ya üzvlüklə bağlı müraciətinə geniş dəstək var”, – Psaki əlavə edib.
Türkiyə prezidenti Rəcəb Tayyib Ərdoğan İsveç və Finlandiyanın NATO-ya üzvlüyünə qarşı çıxaraq, Skandinaviya ölkələrini “terror təşkilatlarının qonaq evləri” adlandırmışdı. Ərdoğanın fikrincə, terrorçuluğu dəstəkləyənlər bu ölkələrin parlamentlərində oturublar. Eyni zamanda bu ölkələrdə Ankaranın terror təşkilatı hesab etdiyi PKK- nın nümayəndələri fəaliyyət göstərir.
Azpost.info
