30 il əvvəl mayın 14-də mərhum prezident Ayaz Mütəllibovun hakimiyyətə qayıdış cəhdi uğursuzluqla nəticələnib.
Xalq etirazları nəticəsində Mütəllibov vəzifədən getməyə məcbur oldu.
Azpost.info bildirir ki, Milli Məclisin deputat Vahid Əhmədov illər əvvəl modern.az-a verdiyi müsahibədə həmin günlərlə bağlı maraqlı məqamları açıqlayıb.
Vahid Əhmədov 1992-ci ildə Azərbaycanda Baş nazirin birinci müavini olub.
V.Əhmədov deyib ki, o günlər çox gərgin vəziyyət yaranmışdı: “14 may 1992-ci ildə Ayaz Mütəllibov ikinci dəfə hakimiyyətə qayıdan gün prezidentin köməkçisi rəhmətlik Gülşad Zərbəliyev zəng vurdu mənə və dedi ki, “cənab prezident çağırır səni”. Mütəllibovun qayıtmasına etiraz edən AXC yığışıb hücum eləmək istəyirdi.
Getdim Prezident Aparatına… Mütəllibovun kabinetinə girəndə gördüm ki, otaqda Baş nazir Rəhim Hüseynov, Rusiyanın Azərbaycanda yerləşən 4-cü ordu birləşməsinin komandanı general Popov, MTN naziri İlhüseyn Hüseynov oturublar… Mütəllibov mənə dedi ki, “Vahid, cəbhəçilərlə sənin yaxşı münasibətin var. Sən onlarla görüş və de ki, hökümət binalarına hucum eləməsinlər”.
Amma rus generalı dedi ki, “Ayaz Niyazoviç, siz rəsmi icazə verin biz məsələni həll edək”…Popov soyuqqanlıqla bildirdi ki, “zaxvat qrup” lazımi adamları zərərsizləşidrəcək və hər şey yoluna düşəcək. Ola bilsin ölüm də olsun. Mütəllibov buna qəti etiraz etdi. Dedi ki, “mənim işləməyimə görə qan töküləcəksə, burada qalan deyiləm. Adamların öldürülməsini istəmirəm”. Sonra üzünü mənə tutub “Vahid, sən danış onlarla. Mən gözləyirəm” dedi…”
Bundan sonra V.Əhmədov kabinetdən çıxıb və AXC-nin Səbaildəki qərargahına gəlib.
“Gördüm ki, AXC-nin tərəfdarları artıq Milli Təhlükəsizlik Nazirliyinin yanından Ali Sovetə tərəf gəlirlər. Görüş artıq mümkün deyildi. Gecikmişdik”.
Deputat deyib ki, proseslərə rus hərbçilərinin müdaxilə imkanları çox böyük olub: “Mütəllibov razı olsaydı rusların buna müdaxilə imkanları var. idi. O zaman elə Prezident Aparatının həyəti rus desantları ilə dolu idi. AXC-də nə vardı? Bir köhnı BTR… Amma camaaat AXC-nin dalınca gedirdi. İnsanlar azadlıq istəyirdilər”-deyə V.Əhmdov müsahibədə vurğulayıb.
Deputat qeyd edib ki, həmin zaman rəhbərlikdə olan şəxslərin çoxu AXC ilə əlaqədə idi. “Məsələn, Baş nazir Həsən Həsənovun AXC ilə çox yaxşı əlaqələri vardı”.
Azpost.info
