ABŞ Dövlət Departamenti Rusiya ilə əlaqəsi olan “Conti” haker qrupunun liderlərinin kimliyi və ya yeri ilə bağlı məlumata görə 10 milyon dollar mükafat elan edib.
Azpost.info xəbər verir ki, Dövlət Departamenti həmçinin hakerlərin tutulmasına səbəb olan məlumatlara görə də mükafat (5 milyon dollar) vəd edib. ABŞ Federal Təhqiqatlar Bürosunun məlumatına görə, mindən çox insan bu qrupun hücumlarının qurbanı olub. Onların 150 milyon dollardan çox pulu oğurlanıb.
“Birləşmiş Ştatlar bu mükafatı təqdim etməklə bütün dünyada potensial qurbanları kibercinayətkarların istismarından qorumaq öhdəliyini nümayiş etdirir”, – Departamentdən bildiriblər.
Hakerlər həmçinin bu ilin aprelində Kosta-Rikada dövlət idarələrinə kiberhücumlar təşkil etməkdə şübhəli bilinirlər ki, bu da vergi və gömrük prosedurlarına ciddi ziyan vurub. “Conti” üzvlərinin daxili söhbətləri sızandan sonra qrupun Kremllə əlaqələri üzə çıxıb.
Azpost.info
