“ABŞ Rusiya və Çinlə eyni vaxtda baş verəcək mümkün münaqişələrə hazır olmalıdır. Bu isə Vaşinqtondan müttəfiqliklərini gücləndirməyi, nüvə və adi silahların modernləşdirilməsi proqramlarını genişləndirməyi tələb edir”.
Azpost.info bildirir ki, bu barədə ABŞ Konqresinin nəzdində Amerika strateji konsepsiyası məsələləri ilə məşğul olan komissiyanın dərc etdiyi hesabatda yer alıb.
Bu hesabatın hazırlanmasında Dövlət Departamentinin, Pentaqonun və ABŞ Energetika Nazirliyinin Milli Nüvə Təhlükəsizliyi Administrasiyasının keçmiş yüksək vəzifəli məmurları iştirak edib.
“Amerika strategiyasının məqsədləri adi silahlardan istifadə etməklə Avropa və Asiyada eyni vaxtda Rusiya və Çin təcavüzünün qarşısının almaqdır. Əgər ABŞ, onun müttəfiqləri və tərəfdaşlarının bu məqsədə çatmaq üçün kifayət qədər adi arsenalları yoxdursa, o zaman Amerika strategiyası nüvə silahlarının gücləndirilmiş roluna keçməlidir” – deyə Avropa və Asiyadan bəhs edən hesabatda bildirilir.
Onların fikrincə, Rusiya və Çindən təhdidlər elədir ki, ABŞ və onun müttəfiqləri eyni vaxtda hər iki düşmənin qarşısını almağa və məğlub etməyə hazır olmalıdırlar. “Nüvə qüvvələrinin modernləşdirilməsi üzrə mövcud proqram zəruridir”, – ekspertlər hesab edirlər.
Azpost.info
