İsrail müdafiə naziri Yoav Qalantla amerikalı həmkarı Lloyd Ostin arasında növbəti telefon söhbəti olub.
Azpost.info xəbər verir ki, bu barədə İsrail Müdafiə Nazirliyi məlumat yayıb.
Tərəflər İranın mümkün hücumu fonunda əməliyyat və strateji koordinasiyanı, həmçinin iki ölkənin silahlı qüvvələrinin qarşılıqlı işləmə qabiliyyətini müzakirə ediblər.
“Qalant Ostinlə son hadisələr fonunda əməliyyat və strateji koordinasiyanı, həmçinin ABŞ-ın bölgədə yerləşdirdiyi geniş hərbi imkanları nəzərə alaraq İsrail və ABŞ qüvvələrinin qarşılıqlı işləmə qabiliyyətini müzakirə edib. İsrailli nazir həmçinin Pentaqonun rəhbərini İsrail Müdafiə Qüvvələrinin İran və onun regional dəstəkçilərinin təhdidləri qarşısında hazırlığı və imkanları barədə məlumatlandırıb. Qalant Qəzzada radikallar tərəfindən saxlanılan girovların azad edilməsi ilə bağlı razılığın əldə edilməsinin vacibliyini də vurğulayıb”, – məlumatda deyilir.
Bu, iyulun 31-dən – HƏMAS Siyasi Bürosunun rəhbəri İsmayıl Haniyənin Tehranda ölümündən sonra iki nazir arasında altıncı belə telefon söhbətidir.
Azpost.info
