Abşeron və Sumqayıtdan paytaxta girişdə polis postları qurulub –FOTO

Sumqayıt şəhəri və Abşeron rayonundan paytaxta girişə məhdudiyyət qoyulub.

Bununla bağlı Abşeron rayonunun iki çıxışında, o cümlədən Sumqayıtdan gələn istiqamətdə, yəni Masazır qəsəbəsində polis postları qurulub. Həmin postlarda Yol Patrul Xidməti, DİN Daxili Qoşunlarının zabit və gizir heyəti və post patrul xidmətinin əməkdaşları xidmət aparır.

Masazır dairəsində, Qafqaz Universitetinin yaxınlıqdakı dairədə və Masazırda duz gölünün yaxınlığında postlarda sürücü və sərnişinlərin sənədləri yoxlanılıb. Bakı qeydiyyatı olmayan sürücü və sərnişinlər paytaxta buraxılmayıb.

Abşeron Rayon Polis İdarəsinin baş inspektoru Əli Cavadovun APA-ya verdiyi məlumata görə, qoyulan məhdudiyyətə əməl etməyənlər İnzibati Xətalar Məcəlləsinin 211-ci maddəsi ilə cərimə edilib.

Həmin məntəqələrdə hər hansı neqativ halın yaşanmaması üçün stasionar postlaradakı vəziyyətə Təhlükəsiz Şəhər Xidmətinin kameraları vasitəsi ilə real vaxt rejimində nəzarət olunur.

Xüsusi karantin rejimi ərəfəsində xüsusi təyinatlı, o cümlədən təcili tibbi yardım, qəza-bərpa, xilasedici, habelə yük daşıyan avtomobillərin hərəkəti istisna olmaqla, Bakı şəhəri, Sumqayıt şəhəri və Abşeron rayonuna giriş və çıxış məhdudlaşdırılıb. Mülkiyyət növündən asılı olmayaraq, ölkə üzrə rayon və şəhərlərarası sərnişindaşıma fəaliyyəti dayandırılıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Cons Hopkins Universiteti:

Sonrakı məqalə

İraqda koronavirusa minlərlə insan yoluxub