Hindistanda iki ilə yaxındır ki, adam yeyən canavar sürüsü insanları qorxu altında saxlayır.
AzPost Hindustan Timesə istinadən bildirir ki, heyvanlar artıq dörd uşağı və bir qoca cütlüyü parçalayıb.
2024-cü ildən etibarən adam yeyən canavarların sürüsü Bəhraiç rayonunda insanlara hücum etməyə başlayıb. Bir neçə ay ərzində onlar mütəmadi olaraq on nəfərə, əsasən də uşaqlara hücum edib, onları parçalayıblar.Lakin sonda canavarlar tutulub.
Lakin 2025-ci ilin sentyabr ayının əvvəlində adam yeyən canavarlar geri qayıdıblar. Üstəlik, yeni heyvanlar sələflərindən daha qəddar və aqressiv olub. Üç həftə ərzində altı nəfəri – dörd uşağı və bir qoca cütlüyü eyni anda parçalayıblar. Heyvanların apardığı bir uşaq isə tapılmayıb. Bundan əlavə, təxminən iki nəfər canavar tərəfindən yaralanıb.
Səlahiyyətli məmurlar problemlə fəal mübarizə aparırlar, lakin hələlik heç bir uğur əldə olunmayıb. Meşə təsərrüfatının 21 əməliyyat qrupu digər mütəxəssislərlə birlikdə ərazinin axtarışı və patrul xidməti üçün yerləşdirilib. Ən son canavar hücumu bazar günü, sentyabrın 28-də qeydə alınıb. Bununla belə, qurbanlar xilas edilib.
