Avropa İttifaqı Rusiya və Belarusdan ərzaq idxalına, xüsusən də taxıl tədarükünə kvota tətbiq edə bilər.
Azpost.info xəbər verir ki, bunu Polşanın RMF FM radiosuna avropalı diplomat bildirib.
Artıq Avropa Komissiyası bununla bağlı müvafiq təklif hazırlayıb.
“Tam embarqo olmayacaq, çünki Brüssel buna qarşıdır”, – Avropanın daxili işlər üzrə komissarı İlva Yohansson deyib. Onun fikrincə, Rusiyadan Aİ-yə ərzaq idxalına qoyulan qadağa qiymətlərin artması baxımdan zərər verə bilər.
Rusiya və Belarusdan ərzaq idxalına qoyulan məhdudiyyətlərin Aİ ölkələri vasitəsilə tranzitə təsir etməyəcəyi gözlənilir.
Avropa Komissiyasının təklifi fermerlərin davam edən etirazları, eləcə də Ukraynadan Rusiyanın kənd təsərrüfatı məhsullarına qarşı sanksiyalar tətbiq edilməsi çağırışları fonunda təqdim olunacaq. Ukraynanın kənd təsərrüfatı məhsullarına qarşı məhdudiyyətlər olsa da, indiyədək Aİ-də Rusiya ərzaqlarına qarşı heç bir tədbir görülməyib.
Azpost.info
