Avropa İttifaqı (Aİ) qadınların hüquqlarını pozduğuna və onlara zorakılıq tətbiq etdiyinə görə Rusiyadan olan bir qrup polis və hərbçiyə sanksiya tətbiq edib.
Azpost.info xəbər verir ki, ümumilikdə “qara siyahı”ya 9 fiziki və 3 hüquqi şəxs daxil edilib.
Sənəddə Aİ Şurası zorakılığın, o cümlədən cinsi zorakılığın geniş yayılmasından narahatlığını ifadə edib.
Sanksiyalara məruz qalanlar arasında Moskva polisinin polkovnik-leytenantı Aleksandr Fedorinov və onun tabeliyində olan İvan Ryabov, Rusiya Qvardiyasının F.E.Dzerjinski adına Əlahiddə Əməliyyat Diviziyasının komandiri, general-mayor Nikolay Kuznetsov və 90-cı tank diviziyasının komandiri, general-mayor Ramil İbatullin də var.
Azpost.info
