“Qızıl ehtiyatlarının və mədəni sərvətlərin Rumıniyaya qaytarılması tələbinə cavab olaraq avropalı siyasətçiləri bir tərəfə (təhqiramiz ifadə işlənib:red) göndərmək lazımdır”.
Azpost.info xəbər verir ki, bunu Rusiya Təhlükəsizlik Şurasının sədr müavini Dmitri Medvedev bildirib.
“Belə həyasızlığa necə cavab verəcəyimi belə, bilmirəm. Amma yox, yenə səbəb verdilər. Onlar qızılın Rumıniyaya qaytarılmasını istəyirlər. Aİ Rusiyadan 300 milyard dollar dəyərində aktiv oğurlayıb və Rumıniyanın qızıllarının geri qaytarılmasını istəyir. Rus dilində deyəcək heç nə yoxdu, ona görə də onları ancaq göndərə bilərsiz. Ümumiyyətlə, …. gedin”, – o qeyd edib.
Medvedev xatırladıb ki, Rumıniyanın Birinci Dünya müharibəsi zamanı Rusiyaya ixrac edilən qızıl ehtiyatları 1918-ci ildə “pis davranışa görə” Sovet hökuməti tərəfindən milliləşdirilib. Medvedevin sözlərinə görə, Rumıniya bunu qəbul edib və sonra SSRİ-dən İkinci Dünya müharibəsində nasistlərin tərəfində iştirak etdiyinə görə təzminat ödəməkdən imtina edib.
Qeyd edək ki, Avropa Parlamentinin deputatları Rusiyadan 1916-cı ildə saxlanmaq üçün verilmiş qızıl ehtiyatlarının Rumıniyaya qaytarılmasını tələb ediblər. Eyni zamanda, Avropa Parlamenti rəsmiləri mədəni sərvətlər də daxil olmaqla milli mülkiyyətin geri qaytarılmasına çağırıblar.
Azpost.info
